Свята для дашкалят “Вялікдзень - свята сонца і вясны”.
Фальклорнае свята – найлепшы сродак выхавання дзяцей. Педагогі лічаць, што да народных традыцый, святаў трэба далучаць выхаванцаў з маленства. Той, хто ўмее забавіць дзяцей народнымі гульнямі, пацешкамі, прыказкамі і прымаўкамі, дамагаецца ў выхаванні хуткіх і відавочных вынікаў. Так, у “Яслях - садзе №14 г. Смаргоні” адбылося для дзяцей свята “Вялікодны калабок”. У памяшканні дзе размешчана “беларуская хатка”, гаспадыня сустракала выхаванцаў. Ветліва сустрэўшы свіх гасцей, яна спытала : “Ці ведаеце вы вершы, песні?” Дзеци з задавальненнем заспявалі беларускую народную песню “Валачобнікі”, якую яны вывучылі з музычным кіраўніком, чыталі вершы пра вясну, пра вялікоднае яйка. Гаспадыня захапіла дзяцей сваім расповядам, пра свята, як яно адбываецца, якія ёсць цікавыя народныя гульні. Выхаванцы па чаразе “Каталі яйка”, гулялі ў “Біткі”, “Перадавалі яйка”.
Выхаванцы не засталіся без пачастункаў ад гаспадыні, галоўным пачастункам быў “Вялікодны калабок”. Як яны былі здзіўліны, калі раскрыушы яго, убачылі, што там знаходзіліся салодкія пачастункі. Мы спадзяёмся, што ў нашых выхаванцаў узнікла жаданне ведаць свае вытокі, народныя традыцыі, святы.
Святлана Райбе
музычны кіраўнік
ялей-сада №14 г. Смаргоні